സത്യം

മരണം 
അതെന്താണെന്ന് ആര്‍ക്കുമറിയില്ല 
സത്യം 
എന്നാലും എല്ലാവരും അതിനെ ഭയക്കുന്നു 
ഞാന്‍ മരണത്തെ സ്നേഹിക്കുന്നു 
സത്യം 
ഞാനെന്‍റെ മരണത്തെ കണ്ടിരുന്നു
ഒന്നല്ല പലവട്ടം 
സത്യം 
പോരുന്നോ എന്റെ കൂടെ എന്ന് ചോദിച്ചു 
നിര്‍വികാരനായി ഞാന്‍ നോക്കി നിന്നു
മരിച്ച മനസ്സുള്ളവന് എന്ത് മരണം ?
സത്യം 
എന്റെ മരണം അത് മനസ്സിലാക്കി എന്ന് തോന്നുന്നു 
അതും നിര്‍വികാരമായി എന്നെ തന്നെ നോക്കി നിന്നു 
ചെറുതായി ഒരു നെടുവീര്‍പ്പ് 
എന്നെ കൂട്ടാന്‍ വന്ന എന്റെ മരണത്തില്‍ നിന്നു 
സത്യം 
വേദനയോടെ അത് എന്നെ നോക്കി ചിരിച്ചു 
ഒരു പക്ഷെ രണ്ടാമതും എന്നെ കൊല്ലണ്ടി വന്നതുകൊണ്ടാവാം