പാതി തുറന്നൊരു ജാലകം വെറുമൊരു തേങ്ങലാകുന്നുവോ
ആ തേങ്ങലൊരു പണയമാകുന്നുവോ
മുഖച്ചിത്ര മേരുവില്‍ തങ്ങി നില്‍ക്കുന്നൊരു
അപകര്‍ഷതാബോധമോ
കാലത്തെനീട്ടിട്ടു പല്ലുതെയ്ക്കും മുന്‍പേ മുഖപത്ര താളിയെ
പല്ലിളിക്കുന്നൊരു ജെന്തുവാണ് ഞാന്‍
വെറുമൊരു ഇന്ത്യനാണ് ഞാന്‍
ആ എനിക്കെന്റെ അമ്മയൊരു വേശ്യയെന്നോ
സ്നേഹിച്ച തെറ്റിനൊരു വേശ്യയെന്നോ
എന്നെ
നിന്നെ
നിന്നെയല്ല നിന്നിലെ നിന്നെ
സ്നേഹിച്ച തെറ്റിനൊരു വേശ്യയെന്നോ
നിന്നെ നീയാക്കിയ ഞാനെന്ന ഞാനാക്കിയ
തെറ്റിനൊരു വേശ്യയെന്നോ
മാറുന്നു മര്‍ത്യന്‍ കൂടുതല്‍ ചീര്‍ക്കുന്നു മര്‍ത്യന്‍
ചീങ്കണ്ണി പോല്‍ തുടക്കാംബുകള്‍ തേടി
മുങ്ങുന്നു മര്‍ത്യന്‍
മങ്ങിയ നീല നിലാവെളിച്ചത്തില്‍
തേങ്ങുന്ന പെണ്ണിന്റെ മാറത്തെ
ശേഷിച്ച നേരിയ വേര്‍പ്പിന്റെ നീരുറവ കൂടി
നക്കിതുടയ്ക്കുന്നു മര്‍ത്യന്‍
പാളങ്ങള്‍ തന്‍ ചരിവോരങ്ങളില്‍
കാട്ടുപൊന്തതടങ്ങളിലെ കുന്നുമേടകളില്‍
ചതുപ്പുകളില്‍ മീനെണ്ണ മണക്കുന്ന വള്ളപ്പുരകളില്‍
കിതയ്ക്കുന്നു,തേങ്ങുന്നു,നിലവിളിക്കുന്നു
അമ്മമാര്‍ എന്നമ്മമാര്‍,നാളത്തെ വേശ്യകള്‍.....

ഏതൊരു അനീതിയും നിന്നെ ക്രോധം കൊണ്ട് ജ്വോലിപ്പിക്കുന്നുണ്ടെങ്കില്‍ നിന്നെ ഞാന്‍ സഖാവ് എന്ന് വിളിക്കും.പോരാട്ടങ്ങളുടെ പാതയോരങ്ങളില്‍ കുരച്ചു പേടിപ്പിക്കാനും തെറ്റിദ്ധരിപ്പിക്കാനും പേപ്പട്ടികളെ വിട്ടു കടിപ്പിക്കാനും,വെടിവെയ്ക്കാനും ചിലര്‍  ശ്രെമിക്കും,അതിനൊന്നും ഈ വിപ്ലവത്തിന്‍ മക്കളെ പിന്തിരിപ്പിക്കാനാവില്ല.ലാല്‍സലാം സഖാക്കളേ മുന്നോട്ട്...............മുന്നോട്ടു........... മുന്നോട്ട്.

അവശ്യ വസ്തുവായ ഇന്ധനത്തിന്  എന്തിനാണ് പരസ്യം,എന്തിനാണ് കോടികള്‍ മുടക്കി അമ്ബാസ്സിദര്‍.ധോനിയെയും സച്ചിനെയും പോലുള്ള താരമൂല്യമുള്ളവരെ കോടികള്‍ കൊടുത്തു പരസ്യത്തിനു ഉപയോഗിക്കുമ്പോള്‍ നമുക്ക് കിട്ടേണ്ട ന്യായമായ വില ആണ് നഷ്ടപ്പെടുന്നത്.അനര്‍ഹമായ ആര്‍ഭാടം കാണിക്കുന്ന സി ഇ ഓ മാരും ,ഉയര്‍ന്ന ഉദ്യോഗസ്ഥരും ധൂര്‍തടിക്കുമ്പോള്‍ പാവം ജനം പൊള്ളുന്ന വിലയ്ക് പെട്രോള്‍ വങ്ങേണ്ടി വരുന്നു.പരശതം കോടികള്‍ മുടക്കി ക്രിക്കെട്ടും,കാര്‍ ഓട്ട മത്സരങ്ങളും, താരനിശകളും സ്പോണ്‍സര്‍ ചെയ്യുമ്പോള്‍,പമ്പുകളെ പന്ജ്ജനക്ഷത്ര സമാനമാക്കുമ്പോള്‍, പെട്രോളിന് വില കൂട്ടാതെ എന്ത് ചെയ്യും.പരസ്യം കണ്ടാണോ നാം പെട്രോള്‍ അടിക്കുന്നത്.പ്രതികരിക്കൂ,ഇത് അവസാനിപ്പിക്കൂ.

തെരുവിലെ വേര്‍പ്പില്‍ നിന്നോരാര്‍പ്പ് കേട്ടുവോ

ചോരനിര കൊടികളുനര്‍ന്നാര്‍പ്പ് കേട്ടുവോ

തടവറ കാട്ടി പേടിപ്പിച്ചാല്‍ 

ഞങ്ങള്‍ തോറ്റു മടങ്ങില്ല 

സഖാവ് ചെ

എതോരനീതിയും  നിന്നെ  ക്രോധം  കൊണ്ട്  വിറകൊള്ളിക്കുമെങ്കില്‍  നിന്നെ  ഞാന്‍  സഖാവെ  എന്ന്  വിളിക്കും (സഖാവ് ചെ)

വി എസ് 87-ലും തളരാത്ത പോരാളി.

സ്ഥിരത ഇല്ലാത്ത ആള്‍ക്കാരുമായി ചേര്‍ന്ന് മുന്നണി സര്‍ക്കാരുണ്ടാക്കാന്‍ ശ്രേമിക്കില്ല എന്ന് വി എസ് പറയുമ്പോള്‍ അത് അദ്ദേഹത്തിന്റെ വ്യെക്തി പ്രഭാവം ഒന്ന് കൂടി വലുതാക്കുന്നു.അധികാര മോഹി ആണ് വി എസ് എന്ന് ആരോപണം ഉന്നയിക്കുന്നവര്‍ക്കുള്ള ചുട്ട മറുപടിയ്യാണ് അത്.ജന സേവനത്തിനും അഴിമതി വിരുദ്ധ പോരാട്ടങ്ങള്‍ക്കും ഭരണവും പ്രതിപക്ഷവും തുല്യ മാര്‍ഗങ്ങള്‍ തന്നെയാണെന്ന് വി എസ് നമ്മെ ഓര്‍മിപ്പിക്കുന്നു.കാലം തളര്‍ത്താത്ത  പോരാളിയാണ് വി എസ്.

ഉമ്മനും ചെന്നിത്തലയും കൂടി കുഞ്ഞാലിക്കുട്ടിയുടെ ഇടം കാലും വലം കാലും മാറി മാറി തിരുമിക്കൊടുക്കുന്ന കാഴ്ച ഇനി നമുക്ക് കാണാം.അഞ്ചു വര്‍ഷത്തെ എക്കാലത്തെയും മികച്ച ഭരണം കൊണ്ട് ജനനായകസ്ഥാനം കൂടുതല്‍ ഉറപ്പിക്കുകയാണ് വി എസ്.രാജി വെയ്ക്കുന്നതിന്റെ വികാര വിക്ഷോഭങ്ങള്‍ ഇല്ലാതെ അക്ഷോഭ്യനായി പടിയിറങ്ങാന്‍ വി എസിനല്ലാതെ മറ്റാര്‍ക്ക് കഴിയും.ബംഗാളില്‍ ഏറ്റ പരാജയം ഒരു വി എസിന്റെ അഭാവമാണ് എന്ന് ബംഗാള്‍ പ്രവര്‍ത്തകരും നേതാക്കളും മനസ്സിലാക്കി കഴിഞ്ഞു.  

ഒരുത്തി എന്ന് പറഞ്ഞാല്‍ സ്ത്രീ സമൂഹത്തിനെ മുഴുവനായി അവഹേളിക്കുന്ന ഒന്നാണെന്ന് ബോധോദയം ഉണ്ടായി തലതല്ലി കരയുകയും കോടതി കയറുകയും ചെയ്യുന്നവര്‍ക്ക് വി എസ്സിന്റെ പ്രതിച്ഛായ നശിപ്പിക്കുക എന്നാ ഒറ്റ ഉദ്ദേശമേ ഉള്ളു.പിന്നെ വി എസ്സ് സ്ത്രീകളെ ബഹുമാനിക്കുന്നില്ല, മുഖ്യമന്ത്രി മാപ്പ് പറയണം എന്ന് മുറവിളി കൂട്ടുന്നവര്‍ ഒന്ന് സമാധാനിക്കുക കാരണം സ്ത്രീകളെ അതിരറ്റു സ്നേഹിക്കുകയും,ബഹുമാനിക്കുകയും ചെയ്യുന്ന കുഞ്ഞാലിക്കുട്ടിയും,ഉണ്ണിതാനുമോകെ ഇപ്പോഴും എപ്പോഴും നിങ്ങളുടെ നേതാക്കളും പടനായകന്മാരും ആയി തുടരട്ടെ.വേങ്ങരയിലെ കൊച്ചുപെങ്കുട്ടികള്‍ ഭക്ഷണം കഴിക്കാതെ വാശി പിടിച്ചു കരഞ്ഞാല്‍ വീട്ടുകാര്‍ പറയും ,ദാ ഇപ്പോള്‍ കുഞ്ഞാലിക്കുട്ടി വോടുചോടിച്ചു വരും അതിനു മുന്‍പ് കഴിച്ചോ കൊച്ചു പെണ്‍കുട്ടികളെ കണ്ടാല്‍ അങ്ങേര് പിടിച്ചുകൊണ്ടു പോകും എന്ന്.അത് കേട്ട ഉടനെ കുട്ടി ഭക്ഷണം കഴിച്ചു പോയികിടന്നു ഉറങ്ങും.കലികാലം.  

വി എസ് കണ്ണൂരില്‍.

സമയം രാത്രി ഒന്‍പതു നാല്പ്പതിഅന്ജു കണ്ണൂര്‍ റെയില്‍വേ സ്റ്റേഷന്‍ പതിവില്ലാത്ത വിധം ഉത്സവ ലഹരിയില്‍.  ചെങ്കൊടിയേന്തിയ മുതിര്‍ന്നവരുടെയും,ചെറുപ്പക്കാരുടെയുമായ ഒരു വലിയ ജനാവലി തന്നെ സ്റ്റേഷനില്‍ തടിച്ചുകൂടിയിരുന്നു.നേത്രാവതി എക്സ്പ്രസ്സ്‌ അല്‍പ്പ സമയത്തിനകം ഒന്നാമത്തെ പ്ലാട്ഫോര്മില്‍ എത്തിച്ചേരുമെന്ന അറിയിപ്പ് വന്നതോടെ പ്രവര്‍ത്തകരുടെ ആവേശം അണപൊട്ടി.വന്നു നിന്ന നെത്രവതിയില്‍ നിന്നും ജനനായകന്‍ സഖാവ് വി എസ്  ജനങ്ങളുടെ നേരെ കൈ വീശിയപ്പോള്‍ ജനങ്ങളുടെ ആവേശം കാണേണ്ടത് തന്നെ ആയിരുന്നു.സി പി എമ്മിന്‍ പൊന്മുത്തെ,കേരളത്തിന്‍ മണിമുത്തെ,ധീരാ വീരാ വി എസ്സേ,ജീവന്‍ വേണോ ജീവനിതാ,രെക്തം വേണോ രെക്തമിതാ.മുഴങ്ങിയ മുദ്രാവാക്യങ്ങളില്‍ വിപ്ലവ വീര്യത്തിന്റെ അലയൊലികള്‍.സ്റ്റേഷനില്‍ നിന്നും വി എസ്സിനെ വാഹനത്തില്‍ എത്തിക്കാന്‍ പോലീസിനും പ്രവര്‍ത്തകര്‍ക്കും നന്നേ കസ്ട്ടപ്പെടെണ്ടി വന്നു.ജനങ്ങളുടെ ആവേശം സഖാവിനെയും വികാരഭാരിതനാക്കി.കേരളത്തിലെ എക്കാലത്തെയും മികച്ച ജനനായകാനുള്ള വരവേല്‍പ്പ് അക്ഷരാര്‍ഥത്തില്‍ അദ്ദേഹത്തിന്റെ നിലപാടുകളോടുള്ള ആദരവ് കൂടിയായി മാറി.

ഇങ്കുലാബ് സിന്ദാബാദ് ,ലാല്‍ സലാം സഖാവേ 

നയിച്ചതിനും,ശാസിച്ചതിനും,സ്നേഹിച്ചതിനും,പകര്‍ന്നു തന്ന പോരാട്ട വീര്യതിനും,ഞങ്ങള്‍ക്കുവേണ്ടി വീരമൃത്യു വരിച്ച പ്രിയ ബെന്നിചേട്ടാ,നിറഞ്ഞ കണ്ണുകളോടെ ലാല്‍ സലാം 

കൊച്ചൌസേപ്പിന്റെ ഗോടൌനില്‍ ചുമട്ടു തൊഴിലാളികള്‍ നോക്ക് കൂലി ആവശ്യപ്പെട്ടു എന്ന വാര്‍ത്ത തന്നെ തെറ്റാണ്.അത് കൊച്ചൌസേപ്പിന്റെ പ്രീതി പിടിച്ചു പറ്റി വീഗലാണ്ടില്‍ കൊച്ചുനിക്കരുമിട്ടു നീന്തിരസിക്കാന്‍ താല്പര്യമുള്ള  ചില ബൂര്‍ഷ്വാ മാധ്യമങ്ങള്‍  ആണ് ഇതിനു പിന്നില്‍.അവിടെ വന്ന ലോഡ് ഞങ്ങള്‍ക്ക് ഇറക്കാന്‍ അനുവദിക്കണം എന്നാണ് തൊഴിലാളികള്‍ ആവശ്യപ്പെട്ടത്.കേരളത്തില്‍ അന്ഗീകരിക്കപ്പെട്ടിട്ടുള്ള മിനിമം കൂലി പോലും നല്‍കാതെ തുച്ചമായ ശമ്പളത്തിന് മാടുകളെ പോലെ തൊഴിലാളികളെ പണിയെടുപ്പിക്കുന്ന കൊചൌസെപ്പിനു ധാര്‍ഷ്ട്യമാണ്.ആ ധാര്‍ഷ്ട്യം മൂലമാണ് സംസാരം വഴി വിട്ടതും പ്രശ്നം വഷളായതും.കേരളത്തിലെ തൊഴിലാളികള്‍ എന്ത് പറഞ്ഞാലും കേട്ട് നില്‍ക്കുന്ന മന്ദബുധികളല്ല.പ്രേതികരിക്കെണ്ടിടത് പ്രെതികരിക്കാനരിയാം.സ്റെബിലൈസര്‍  കൈയ്യില്‍ കൊണ്ട് നടന്നു വിട്ടിരുന്ന ഒരു കാലം ഉണ്ടായിരുന്നു കൊചൌസെപ്പിനു.അന്ന് അത് വാങ്ങാനും പ്രോത്സാഹിപ്പിക്കാനും ഇന്ന് കൂടെയുള്ള പോലെ മാധ്യമങ്ങളും മുതലാളിമാരും പോലീസും ഒന്നും ഇല്ലായിരുന്നു.വടിലാല്‍ ഐസ്ക്രീം കമ്പനിയില്‍ അന്ന് കൊണ്ടുവച്ച രണ്ടു സ്റെബിലൈസരിന്റെ പയ്മെന്റ്റ്‌ വൈകി എന്ന് പറഞ്ഞു ഈ പറഞ്ഞ കൊച്ചൌസേപ്പ് അത് തിരിച്ചെടുത്തു കൊണ്ട് പോയി.ഐസ്ക്രീം കമ്പനി മുതലാളി സണ്ണി യുടെ പരാതിയില്‍ അന്ന് പോലീസ് കൊച്ചൌസേപ്പിനെ അകത്തിട്ടു.അന്ന് സണ്ണിയെ ബൂര്‍ഷ്വാ മുതലാളി എന്ന് വിളിച്ചവനാണ് കൊച്ചൌസേപ്.പ്രിയ കൊച്ചൌസേപ്പേ നിങ്ങളോര്‍ക്കുക നിങ്ങളെങ്ങിനെ നിങ്ങളായെന്ന്.

പൊന്നമ്പല മേട്ടിലെ മകരവിളക്കിന്റെ സത്യാവസ്ഥ തുറന്നു കാട്ടണമെന്ന് ഹൈകോടതി

എന്ത് തോന്നിയവാസമാണിത് ശബരിമലയിലെ വിശ്വാസങ്ങളില്‍ കൈകടത്താന്‍ കോടതിയെ ആരാണ് അധികാരപെടുതിയത് ,സത്യാവസ്ഥ തുറന്നു കാട്ടണം എന്നത് വഴി അത് പൊള്ളയാണ്‌ എന്ന് കോടതി തീരുമാനിച്ചോ. വര്‍ത്തമാന കാലത്തിലെ, ശുംഭാന്മാരായ, ഇന്കുബെടര്‍ സ്നോബുകള്‍, ആയ എല്ലാം കാല്‍കീഴില്‍ എന്നഹങ്കരിക്കുന്ന ഈ പീലാതോസുകള്‍ ഒരു സംസ്കാരത്തിന്റെ ,ഒരു ജനതയുടെ വിശ്വാസങ്ങളെ ചവുട്ടി അരയ്കുന്നത് ആര്‍ക്കുവേണ്ടി,നസ്രേത്തിലെ യേശു ജനിച്ചു എന്ന് വിശ്വസിക്കപ്പെടുന്ന സ്ഥലം ശെരിയാണോ എന്ന് ചോദിയ്ക്കാന്‍ ധൈര്യമുണ്ടോ,പരിശുദ്ധ മക്കയിലെ മലയുടെ പരിപാവനത ചോദ്യം ചെയ്യാന്‍ ധൈര്യമുണ്ടോ,സംസം കിണറിലെ വെള്ള പരിശോടിപ്പിക്കണം എന്ന് പറയാന്‍ ധൈര്യമുണ്ടോ.ഹിന്ദു സംസ്കാരം ഏതൊരുത്തനും ചവുട്ടി മെതിക്കാന്‍ ഉള്ളതല്ല എന്ന് കോടതികള്‍ മനസ്സിലാക്കണം.ഹജ്ജിനും,വത്തിക്കാന്‍ യാത്രയ്ക്കും സബ്സീടി കൊടുക്കുന്ന സര്‍ക്കാരുകള്‍ ശബരിമലയില്‍ കൊള്ളയാണ് നടത്തുന്നത്.സാധാരണ ചാര്‍ജിന്റെ നാലു ഇരട്ടിയാണ് ബസ്‌ ചാര്‍ജായി ഈടാക്കുന്നത്.ഇതൊന്നും കാണാന്‍ കോടതിക്ക് കണ്ണില്ലേ.നാളെ ഏതു ദൈവത്തെ പൂജിക്കണമെന്നും ആര്‍ക്കു വോട്ടു ചെയ്യണമെന്നും കോടതി ആവശ്യപ്പെടുമോ.കോടതികള്‍ ഇമ്മാതിരി ചരിത്രപരമായ വിഡ്ഢിത്തങ്ങള്‍ എഴുന്നള്ളിക്കാന്‍ പാടില്ല.ഇങ്ങിനെ പോയാല്‍ ദൈവം ഉണ്ടോ എന്ന് ജുദീശ്യാല്‍ അന്ന്യേഷണം നടത്താന്‍ ഹൈക്കോടതി ആവശ്യപ്പെടുന്ന കാലം വിദൂരമല്ല.   

ചില മലയാളി രോഗങ്ങള്‍

ആര്‍ക് എന്ത് സംഭവിച്ചാലും അതെല്ലാം വാര്‍ത്തയായി കാണുവാനുള്ള മാനസികാവസ്ഥ.ഏതു മാന നഷ്ടതിന്റെയും,ദുരന്തത്തിന്റെയും,ഭ്രാന്തിന്റെയും തുടര്‍ വാര്തകല്‍ക്കായി ഉള്ള അടങ്ങാത്ത ദുര.ഒരു സ്വാമിയുമായി ബന്ധപ്പെടുത്തി വാര്‍ത്തയില്‍ വന്ന രജ്ജിത എന്ന നടി വീണ്ടും അഭിനയിക്കാന്‍ തുടങ്ങിയാല്‍ അവളെ   പഴയ കഥയോട് കൂടി വായനക്കാരുടെ മുന്‍പില്‍ അവതരിപ്പിക്കുമ്പോഴും അത് വായിച്ചു രസിക്കുമ്പോഴും മലയാളിക്ക് കിട്ടുന്നത് ശരിക്കും രതിമൂര്ച്ചയാണ്.ഒരാണും പെണ്ണും ബസിലോ പാര്‍ക്കിലോ ചന്തയിലോ അറിഞ്ഞോ അറിയാതെയോ തൊട്ടുരുംമുന്നത്‌ കണ്ടാല്‍ രതിമൂര്‍ച്ച ഉണ്ടാകുന്ന ഒരേ ഒരിനം മലയാളിയാണ് .അതുകൊണ്ട് തന്നെ അവരെ വേര്‍പെടുതാനായി അവന്റെ കൈകള്‍ തരിക്കും.ദിവസം പതിനഞ്ചു പേര്‍ അപകടത്തില്‍ മരിച്ചാല്‍ ഒന്നും സംഭവിക്കാത്ത പോലെ പിന്തിരിഞ്ഞു പോകും കാരണം അത് പതിനഞ്ചു വീടുകളിലെ പ്രശ്നമാണല്ലോ.എന്നാല്‍ തമിഴ് നാട്ടില്‍ നിന്നും വന്ന ഒരു യുവതി ആരുടെയെങ്കിലും എന്തെങ്കിലും മോഷ്ടിച്ചു എന്നാരെങ്കിലും പറഞ്ഞാല്‍ അവളെ തല്ലിച്ചതച്ചു റോഡില്‍ കിടത്തും.സ്വന്തം ആവശ്യത്തിനായി ഏതിനോടും ഏതു നാടിനോടും താതാത്മ്യം പ്രാപിക്കും,എന്നാല്‍ തൊട്ടടുത്ത സംസ്ഥാനത്തിലെ ഒരാള്‍ ചായ കുടിക്കാന്‍ വകയില്ലാതെ വീട്ടുപടിക്കല്‍ വന്നു കൈ നീട്ടിയാല്‍ അവനെ അന്യ സംസ്ഥാനക്കാരനായി ചിത്രീകരിച്ചു കള്ളനെന്നു മുദ്ര കുത്തി ന്യൂസ്‌ അവരില്‍ പങ്കെടുക്കും.കവികാലോ സാഹിത്യകാരന്മാരോ പട്ടിണി കിടന്നാല്‍ തിരിഞ്ഞു നോക്കില്ല.എന്നാല്‍ പാടാന്‍ കഴിവില്ലാത്ത ആരെങ്കിലും ചാനലില്‍ കഷ്ട്ടപ്പെട്ടാണ് പാടുന്നത് എന്ന് കണ്ടാല്‍ പരസ്യമായി സഹായ ഹസ്തം നീട്ടും.കവി അയ്യപ്പനെ ആരും വിദേശ രാജ്യങ്ങളിലേക്ക് ക്ഷണിച്ചില്ല,അതെ സമയം വികലമായി സിനിമ പാട്ട് പാടിയാല്‍ മതി ഏതു രാജ്യത്തും പോകാം ,പാടാം.എല്ലാ കാവ്യനീതികളും മുല്യങ്ങളും പണത്തേക്കാള്‍ വലുതല്ല എന്ന ചിന്തയിലെത്തി,എല്ലായിടത്തും പണത്തിനു പ്രാമുഖ്യം വന്നു.